"Istisu" mineral suyu
"İstisu" unikal müalicəvi isti bulaqları ilə məşhur olan bir yerdir. Bu yerlər qədim zamanlardan unikal, şəfalı "İstisu" bulaqları ilə məşhurdur. İsti su termal bulaqlarından əsl təbiət bir möcüzədir: yerin dərinliklərindən yer səhtinə çıxır, çıxan zaman müxtəlif geoloji süxurlar və qatından keçir və insan orqanizmi üçün çox faydalı olan mineral maddələr, mikroelementlərlə zənginləşir. Hazırda, otel ərazisində 12 sayda su mənbəyi yerləşir. Bütün su mənbələri Azərbaycan Elmi Tədqiqat Bərpa İnstutunun, Ekologiya və Təbii Sərvətlər Nazirliyinin laboratoriyalarında, Rusiya Səhiyyə Nazirliyinin Milli Tibbi Reabilitasiya və Balneologiya Elmi-tədqiqat Mərkəzində yoxlanılmış, sınaqdan keçirilmiş onlarla xəstəlik zamanı profilaktik-müalicəvi özəlliyi təsdiqləmişdir. Yeraltı bulaqlarlardan çıxan su səthi suların tərkibində rast gəlməyən minerallarla zəngindir. Dəri örtüklərindən keçərək, bədəni öz müalicəvi xüsusiyyətləri ilə zənginləşdirir. Onun təsiri altında hərəkət funksiyalarının stimullaşdırılması baş verir. Termal mayenin müalicəvi xüsusiyyətləri oynaqlardakı gərginliyi aradan qaldırır. Onlar daha möhkəm və elastik olur. Termal su ağrı hissini və spazmları aradan qaldırmaq xüsusiyyətinə malikdir. Xaricə qəbul edildiyi zaman əzələlərə yumşaq masaj effekti yaranır. O, qan dövranını stimullaşdırır. Qan damarları genişlənir, arterial təzyiq aşağı düşür. Orqanizm termal suların faydalı mineralları ilə zənginləşir. Onlar bədəni şlaklardan, qalıq parçalanma məhsullarından və toksik maddələrdən azad edir. Onun yenilənməsi və cavanlaşdırılması prosesi baş verir. Müalicəvi maye orqanizmin immun funksiyalarını möhkəmləndirir, onun bərpası və inkişafında aktiv iştirak edir. O, hormonal sistemi tənzimləyir və onun fəaliyyətinin pozulmasının qarşısının alınmasında kömək edir. Termal su dəriyə müsbət təsir göstərir. Dəridə olan məsamələri genişləndirir və təmizləyir. O, qıcıqlanmış dərini sakitləşdirir, onun üzərindəki iltihab reaksiyalarını aradan qaldırır, damarlarını möhkəmləndirir.
Sanatoriyanın ərazisində olan 12 su mənbəyindən 10 mənbəyin suyu yüngül və orta dərəcədə minerallaşmış termal sulardır, bu sular həm daxilə qəbul etmək üçün, həm də xaricə vanna və ya hovuz şəklində qəbul etmək məsləhər görülür və istifadəsinə göstərişlər:
• Həzm sistemi xəstəlikləri: qida borusu, mədə və onikibarmaq bağırsağın xəstəlikləri (reflüks-ezofagit, normal və ya aşağı turşulu xroniki qastrit, mədə və onikibarmaq bağırsağın xorası), bağırsaq xəstəlikləri, qaraciyər xəstəlikləri, öd kisəsi, öd kanalları, mədəaltı vəzi, operativ müdaxilələrdən sonra pozğunluqlar
İki termal su mənbəyinin suyu yüksək minerallaşmış sular sinifinə aiddir, xaricə qəbul edilir və aşağıda göstərilən xəstəliklərin müalicəsində istifadə edilir:
•Qan dövranı sistemi xəstəlikləri: hipertoniya xəstəliyi, ürəyin işemik xəstəliyi, idiopatik hipotoniya, kardiomiopatiya, periferik arterial və damar xəstəliyi
•Sinir sistemi xəstəlikləri: müxtəlif sinirlərin, köklərin və kələflərin zədələnməsi, vegetativ sinir sisteminin pozğunluqları, onurğa və baş beyin pozğunluqları, mərkəzi sinir sisteminin xəstəlikləri, travmalarının və əməliyyatlarının nəticələri
•Sümük-əzələ sistemi xəstəlikləri: iltihab prosesinin minimal aktivliyi ilə oynaqlara təsir edən revmatik xəstəlilər, oynaqların və onurğa sütunun degenerativ xəstəlikləri, osteopatiya və xondropatiya
•Xroniki qeyri-spesifik bronx-ağciyər xəstəlikləri: remissiya mərhələsində xroniki bronxit və xroniki pnevmoniya
•Endokrin sistemi xəstəlikləri, qidalanma və maddələr mübadiləsinin pozulması: diabet, alimentar piylənmə, metabolik sindrom, podaqra və s.
•Dəri xəstəlikləri: xroniki ekzema, atipik dermatit, psoriaz, yanıqlardan və donmuş travmalardan qalıq təsirlər, çapıq dəyişiklikləri, trofik toxuma pozğunluqları və s.
•Kişi cinsiyyət orqanlarının xəstəlikləri: xroniki prostatit, vaskulit, epidimit və s.
•Qadın cinsiyyət orqanlarının xroniki iltihabi xəstəlikləri: salpinqooforit, endoservisit və servisit.
