Krioterapiya
PROSEDURUN TƏSVİRİ
Krioterapiya soyuqla müalicə prosedurudur. Krioterapiya üçün əsasən həddindən çox aşağı temperatura qədər (150 -190ºС) soyudulan hava və ya ətalətli qaz azot istifadə olunur. Orqanizm ekstremal aşağı temperatura qarşı ümumi səfərbərliklə reaksiya verir. Qan dövranı, bununla da, toxumaların oksigenlə təchizatı güclənir, metabolizm aktivləşir, zərərli maddələr limfa və qan məcrası vasitəsilə çıxarılır. Yaxşı əhval-ruhiyyəni qoruyub saxlayan və digər hormonların ifrazı stimullaşdırılır, immun sistemi və iltihab əleyhinə proseslər aktivləşir, ağrı hüdudu azalır.
PROSEDURUN KEÇİRİLMƏ QAYDASI
Prosedur zamanı həkim müəyyən zaman dilimi ərzində (bir qayda olaraq, patologiyadan asılı olaraq, 15 dəqiqədən başlayaraq və daha çox) lokal krioterapiya aparatının köməyi ilə, pasiyentin bədəninin müəyyən nahiyəsinə soyuq hava axını ilə təsir göstərir. Həmin hava axınının tənzimlənə bilən sürəti dəqiqədə 1500 litrə qədər təşkil edir. Soyuq hava axınının temperaturu – 60C-ə çata bilər.
Seans sayı həmçinin həkim tərəfindən fərdi olaraq seçilir və, bir qayda olaraq, 10 krioterapiya seansından 15 seansa qədər təşkil edir.
GÖSTƏRİŞLƏR
- allergiya;
- psoriaz;
- dayaq-hərəkət aparatı xəstəlikləri;
- Bexterev xəstəliyi;
- ürəyin işemik xəstəliyi;
- dermatitlər;
- dəridə xoralar;
- yuxusuzluq;
- immun çatışmazlıqları.
ƏKS GÖSTƏRİŞLƏR
- Təsir zonasında dəri hissiyyatının pozulması
- Orqanizmin fərdi olaraq krioterapiyanı qəbul etməməsi, soyuq allergiyası
- Təsir zonasında metal əşyaların olması
- Yerli qan dövranının pozulması
- Periferik damarların xəstəlikləri (Reyno xəstəliyi, obliterasiya edici endarteriit, venoz çatışmazlığı)
- Sistemli qan xəstəlikləri
- Kəskin xroniki iltihab xəstəlikləri və onların kəskinləşməsi
- Onkoloji xəstəliklər
PROSEDURUN NƏTİCƏLƏRİ
İstənilən krioterapiya proseduru aşağıda qeyd olunan müsbət nəticələrin əldə edilməsinə səbəb olur:
- Dərinin elastikliyini artırır
- Əzələ tonusunu yaxşılaşdırır
- Cavanlaşdırıcı effektə malikdir
- Hüceyrələrdə mübadilə proseslərini sürətləndirir
- Antiseptik və iltihab əleyhinə effektə malikdir
- Üz dərisinin rəngi və quruluşunu yaxşılaşdırır
- Gözlərin altındakı dairələri yox edir
- Saçların uzanmasını stimullaşdırır, keçəlləşmənin qarşısını alır
- Sakitləşdirici, relaksasiya və tonuslandırıcı xüsusiyyətlərə malikdir
- AKNE, akne səpgiləri ilə bağlı mövcud üz və bədən problemlərinin həll edilməsi
- Dərinin yenilənməsi, liftinq effekti
- dəridə maddələr mübadiləsinin stimullaşdırılması və ümumilikdə orqanizm hüceyrələrinin yenilənməsi
- dərinin qan təchizatının və toxumaların qidalanmasının normallaşdırılması
