OTAQ

SEÇ

Mineral vanna



PROSEDURUN TƏSVİRİ

Mineral vannalar təbii və ya süni şəkildə hazırlanmış, tərkibində müxtəlif qazların, mikroelementlərin, bioloji aktivliyə malik maddələrin olduğu mienral su vannalarıdır.

PROSEDURUN KEÇİRİLMƏ QAYDASI

Xəstə vannaya yerləşdirilir və rahat vəziyyətdə uzanır. Vannadan sonra o, bədənini, sürtmədən, dəsmalla silir, bədənini isti saxlayaraq bükür və 15-20 dəqiqə istirahət edir. Prosedur 10-20 dəqiqə davam edir, bir gündən bir fasilə verməklə həyata keçirilir. Vannalar ürəyə, qaraciyərə, skelet əzələlərinə müsbət effekt göstərir, onların mikrosirkulyasiyasını yaxşılaşdırır.

GÖSTƏRİŞLƏR

  • Ürək xəstəlikləri və qan dövranı pozuntuları (ürək qüsurları, ürəyin işemik xəstəliyi, kardiomiopatiya, periferik arteriyaların və venaların xəstəlikləri və s.).
  • Mərkəzi sinir sisteminin xəstəlikləri və iltihabı ..
  • Dayaq-hərəkət sistemi xəstəlikləri (xondropatiya, osteopatiya, yumşaq toxumaların xəstəliyi).
  • Tənəffüs orqanları xəstəlikləri (bronxit)
  • Ginekoloji xəstəliklər.
  • Piylənmə.
  • Dəri xəstəlikləri və iltihab prosesləri.
  • Klimaks
  • Yüngül formalı şəkərli diabet.
  • Qalxanabənzər vəzi fəaliyyətinin pozulması.
  • Həzm sistemi xəstəlikləri (qastrit, kolit, enterokolit). Mineral vannalar qaraciyərin, mədənin, bağırsağın, öd kisəsinin, öd ifrazı yollarının diskineziyasının müalicəsində kömək edə və cərrahi müdaxilədən sonra sağlamlığı bərpa edə bilər.

ƏKS GÖSTƏRİŞLƏR

  • Orqanizmin fərdi olaraq vanna komponentlərini qəbul etməməsi;
  • ağır formalı şəkərli diabet;
  • açıq yaralar;
  • göbələk infeksiyası;
  • islanan dermatit;
  • vərəm;
  • hamiləlik;
  • böyrək çatışmazlığı və s.

PROSEDURUN NƏTİCƏLƏRİ

Mineral vannalar sinir sisteminin rahatlanmasına səbəb olur, stress, depressiya, yuxusuzluq, qidalanma pozuntusu və sinir yorğunluğu ilə mübarizədə kömək edir, ətraflardakı ağrılardan, maddələr mübadiləsinin pozulmasından və posttravmatik sindromdan əziyyət çəkənlərə kömək edir. Bir neçə prosedurdan ibarət kurs dərinin vəziyyətini yaxşılaşdıracaq və sellülitlə mübarizədə kömək edəcək.

REZERV ETMƏK